Imikino

UBWONGEREZA: Mauricio Pochettino yongerewe amasezerano na Tottenham azamugeza muri 2023

Sangiza inshuti iyi nkuru kuri:

Umutoza w’ikipe ya Tottenham Mauricio Pochettino yongerewe amasezerano yo gukomeza gutoza ikipe ya Tottenham Hotspurs yo mu gihugu cy’Ubwongereza mu gihe cy’imyaka itanu uhereye muri uyu mwaka wa 2018, ni ukuvuga ko uyu mugabo amasezerano yahawe azamugeza mu mwaka wa 2023 akiri kumwe n’iyi kipe y’i Londres.

Mauricio Roberto Pochettino Trossero w’imyaka 46 y’amavuko ahawe aya masezerano amugumisha mu ikipe ya Tottenham nyuma y’imyaka ine amaze muri iyi kipe avuye mu ikipe ya Southmpton nayo yo mu gihugu cy’ubwongereza.

Uyu mutoza yahawe umushara wo ku rwego rwo hejuru ugereranyije nuko yari asanzwe ahembwa kuko ubu azajya afata miliyoni 8 z’amapawundi ku mwaka umwe.
Ibi bikaba bimugira umutoza wa gatatu uhembwa menshi muri shampiyona y’u bwongereza aho aza inyuma ya Pep Guardiola wa Manchester City na Jose Mourihno utoza Manchester united.

Pochettino wafashije ikipe ya Tottenham kuzitabira imikino ya Champions League y’umwaka utaha w’imikino wa 2018-2019 ndetse kuri ubu iyi kipe iri ku mwanya wa Gatatu muri iyi shampiyona inyuma ya Manchester City na Manchester Unted.

Mu myaka ine amaze muri Tottenham mu mikino 246 yatoje ,yatsinzemo imikino 196 anganya imikino 54 ndetse atsindwa imikino 46, muri iyo mikino yose Pochettino yabonyemo ibitego 360 ,atsindwa ibitego 216.

Maurichio Pochettino ukomoka mu gihugu cya’ Argentine kuri ubu afite imyaka 46 n’iminsi 84 y’amavuko . Muri aya masezerano mashya uyu mutoza yemerewe kugumana n’abandi batoza bamwungirije barimo Jesus Perez, Miguel D’Agostino ndetse na Toni Jimenez nkuko umuyobozi wa Tottenham Daniel Levy mu biganiro bagiranye bemeje ko bagomba kugumana bagafasha iyi kipe kwitwara neza mu myaka itanu iri imbere.

Pochettino ari mu ikipe ya Tottenham nta gikombe na kimwe yatwaye gusa kuri we yatwaye ibihembo 4 by’umutoza w’ukwezi mu gihugu cy’ubwongereza, hamwe nk’umutoza w’ukwezi kwa 10 kwa 2013, ukwezi kwa 9 kwa 2015, uw’ukwezi kwa kabiri kwa 2016 ndetse n’umutoza w’ukwezi kwa kane kwa 2017.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!