Imikino

U Bwongereza: Gianfranco Zola azungiriza Maurizio Sarri muri Chelsea

Sangiza inshuti iyi nkuru kuri:

Uwahoze ari rutahizamu w’ikipe ya Chelsea yo mu bwongereza hagati y’umwaka w’1996 na 2003, Gianfraco Zola yagarutse ku kibuga Stamford Bridge nk’umutoza wungirije Maurizio Sarri mu ikipe ya Chelsea.

Gianfraco Zola wasezeye ku kazi ko gutoza ikipe ya Birmingham City yo mu kiciro cya kabiri mu gihugu cy’ubwongereza akaba yari yasinye amasezerano y’imyaka 2.5 azamara muri iyi kipe ariko nyuma y’amezi ane gusa yahise atandukana nayo mu mwaka wa 2017 bitewe n’ubwumvikane buke bwari hagati ye n’abamuyoboraga, kuri ubu akaba nta kipe yagiraga atoza.

Uyu mugabo w’imyaka 52 yabonye aya mahirwe nyuma yuko mu ikipe ya Chelsea habaye impinduka mu rwego rw’ubutoza aho Antonio Conte watozaga iyi kipe yasezerewe agasimbuzwa Maurizio Sarri mu gihe cy’imyaka itatu iri imbere.

Gianfranco Zola yavutse tariki ya 5 Nyakanga mu mwaka w’1966 avukira Oliena mu gihugu cy’ubutaliyani, akaba yarakinaga nka rutahizamu kuri ubu akaba afite imyaka 52 y’amavuko.

Mu rugendo rwo gukina umupira w’amaguru Zola akaba yaramenyekanye cyane akinira ikipe ya Chelsea uhereye mu mwaka w’1996- 2003. Mu myaka irindwi yamaze Stamford Bridge yakinnye imikino 229 atsinda ibitego 59. Muri icyo gihe cyose yamaze mu ikipe ya chelsea yatwaranye nayo ibikombe 2 bya FA Cup, atwara igikombe UEFA Cup Winnre’s Cup, atwara Super Cup imwe ndetse na League Cup imwe.

Yakiniye amakipe kandi atandukanye arimo Cagliali, Palma ndetse na Napoli zo mu butaliyani. Zola akaba yarakiniye ikipe y’igihugu y’ubutaliyani nkuru La Squadra dazura imikino 35 atsinda ibitego 10.

Mu mwuga w’ubutoza Zola amaze gutoza amakipe atandukanye arimo, Westham United, Watford, Birmingham City n’ikipe y’igihugu y’ubutaliyani y’abatarengeje imyaka 16.
Kuri ubu Gianfraco Zola arabarizwa mu ikipe ya Chelsea nk’umutoza wungirije Maurizio Sarri.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!