Imibereho y’abaturage

Rusizi-Gitambi: Ubuyobozi burashinganisha abaturage kubera amarozi

Sangiza inshuti iyi nkuru kuri:

Umunyamabanga nshingwabikorwa w’umurenge wa Gitambi mu karere ka Rusizi ngo arashinganisha abaturage bo mu mudugudu wa kabonabose akagari ka Hangabashi, bitewe n’uko muri aka gace hari kugaragara amarozi ari gutera impfu za hato na hato.

Mugitondo cyo ku itariki 6 Mata 2018 ni bwo humvikanye inkuru y’umugabo winjiye mu rugo rw’uwitwa Mukankusi Anastasie utuye mu mudugudu wa Kabonabose akagari ka Hangabashi umurenge wa Gitambi ni mu karere ka Rusizi,ngo uyu mugabo yaje avuga ko uyu mukecuru yamuroze bityo ngo yari aje ngo amurogore,uyu mugabo akigera muri uru rugo yahasanze umusaza wari uhacumbitse maze aramwahuka aramukubita bimuviramo gupfa,afata uyu mukecuru aramukubita kugeza ubwo amugize intere aho abaganga bamushyizeho ibipfuko(Isima) ku kaboko.

Kuva icyo gihe muri uyu mudugudu hagiye humvikana amakuru menshi y’abaturage bari kugaragaza ko barozwe ndetse abandi bakavuga ko hari abagiye bapfa bishwe n’amarozi gusa Mukankusi Anastasie we ahakana ko atari umurozi ahubwo ko ari urwangano afitiwe n’umuryango.

Kuri uyu wa gatatu ubuyobozi bw’uyu murenge bwagerageje guhosha umwuka mubi uri kuhagaragara bityo umunyamabanga nshingwabikorwa w’uyu murenge HABIMANA Emmanuel yabwiye TV/Radio one ko ashinganishije abaturage abereye umuyobozi ngo kuko hari ibimenyetso byinshi biri kugaragara muri aka gace bishobora guherwaho byemezwa ko ibiri kuhaba biri guterwa n’amarozi.

Muri aka karere ka Rusizi hakunze kuvugwa amarozi menshi gusa nta muyobozi wemera ko abaturage barozwe mugihe nta muganga wabyemeje, ibirozi by’ibishumurano bikunze kwica abatari bake aha akaba ari naho HABIMANA Emmanuel ahera avuga ko yamaze kubona ipfundo ry’ikibazo bityo ko agiye kugihagurukira kugeza ubwo azakusanya ibimenyetso simusiga bigaragaza ko abakekwa koko ari abarozi maze bagashyikirizwa ubutabera.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano