Ubukungu

Rusizi: Akarere n’umurenge ntibavuga rumwe ku kibazo cy’abambuwe na rwiyemezamirimo.

Sangiza inshuti iyi nkuru kuri:

Bamwe mu baturage bo mu murenge wa Nkungu wo mu karere ka Rusizi baravuga ko rwiyemezamirimo wabakoresheje ubwo hakorwaga umuhanda Cyamudongo-Nkungu hashize imyaka itatu atarabishyura amafaranga bakoreye,ubuyobozi bw’uyu murenge buvuga ko uyu rwiyemezamirimo yagiye uyu muhanda atawurangije n’aho akarere ko kakavuga ko nta kibazo na kimwe gihari kuko rwiyemezamirimo yarangije ibyo yagombaga gukora ndetse akaba yarahembye abo yakoresheje.

Aba baturage bavuga ko bakoze imirimo yo kubumba buroke sima(bloc ciment) zakoreshwaga mu ikorwa ry’umuhanda Cyamudongo –Nkungu uherereye mu murenge wa Nkungu wo mu karere ka Rusizi,bavuga ko rwiyemezamirimo wabakoresheje yagiye atabahembye imyaka ikaba ibaye itatu.

Aba baturage bavuga ko aya mafaranga bari bayitezeho kubafasha bityo bagasaba abayobozi kubakurikiranira uyu rwiyemezamirimo akabishyura.
Umunyamabanga nshingwabikorwa w’umurenge wa Nkungu, Nsengiyumva Vincent de Paul we avuga ko uyu rwiyemezamirimo yasize uyu muhanda atawurangije kandi akarere karamaze kumuhemba amafaranga ye yose,akanasobanura ko umwenda abereyemo abaturage ari amafaranga asaga ibihumbi Magana atandatu.

Ku ruhande rw’ubuyobozi bw’akarere bwahaye isoko uyu rwiyemezamirimo , umunyamabanga nshingwabikorwa w’aka karere , Mushimiyimana Ephrem we avuga ko rwiyemezamirimo yarangije gukora imirimo yose ndetse ko banafite raporo ibigaragaza n’abakozi nabo ngo bose barishyuwe,ahubwo ngo hagize ugaragaza ko atishyuwe umurenge wakora raporo akarere kakazabishyuriza.
Nubwo mu mvugo z’aba bayobozi bombi humvikanamo kunyuranya ,icyo abaturage bo bashaka nuko bakwishyurwa amafaranga yabo.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?

To show your avatar with your message, register it first on gravatar.com (free et painless) and don’t forget to indicate your Email addresse here.

Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!