Umutekano

Nyabihu: Babiri bafunzwe bakekwaho amanyanga mu igura n’igurisha

Sangiza inshuti iyi nkuru kuri:

Nk’uko umunyabanga nshingwabikorwa w’umurenge wa Rambura mu karere ka Nyabihu yabibwiye Tv/Radio1 ngo intandaro y’iki kibazo ni urwuri ruherereye mu kagari ka Mutaho muri uyu murenge wa Rambura, mu gice gisatira ishyamba rya Gishwati cyahariwe ubworozi bw’inka zitanga umukamo, uru rwahoze ari urw’uwitwa MUNYAMASOKO Desire mu mpera z’umwak ushize wa 2017 akarugurisha uwitwa KAZOZA Rushago Justin, nyamara uyu Desire yari maze imyaka igera kuri itandatu arugurishije uwitwa Cyuma Barnabe, uyu Cyuma waguze mbere ngo mu gihe yari agitegereje ko yakorerwa ihererekanya ry’icyangombwa cy’ubutaka anasanzwe yororeyemo kuva mu 2009 agatungurwa no kumva ko urwo rwuri rwongeye kugurishwa nibwo yihutiye kugana inzego z’ubutabera, nyamara ngo uwo Kazoza waguze nyuma aho gutegereza imyanzuro y’ubutabera agahitamo guhita nawe ajyanamo inka ze zigera kuri 30, ibyo Cyuma na bagenzi be basanzwe bororeye muri izi nzuri za Gishwati bavuga ko ari urugomo ruhatse agahimano kuba urwuri rugenewe inka 10 ubu rurimo 40.

KAZOZA Justin waguze nyuma ari nawe ufite icyangombwa cy’uru rwuri rukiri mu rubanza kugeza ubu avuga ko kujyanayo inka ze atarindiriye umwanzuro w’ubutabera ntawe yahohoteye ahubwo akemeza ko ariwe ukomeje kurengana kuba hari umuntu umubereye mu rwuri batarabyumvikanyeho.

Bamwe mu bakurikiranye iki kibazo kuva na mbere bavuga ko ikibyihishe inyuma ari icyo bita ubutayegayezwa bushingiye ku bushobozi bw’amafaranga uyu Kazoza yitwaza, ibi bakabishingira ko ubundi mu gihe guhinduza icyangombwa cy’ubutaka bikrerwa ku murenge ubutaka buherereyemo we yabikoreye I Kigali nyuma y’uko ngo mu murenge byari byatambamiwe.

Ubuyobozi bw’umurenge wa Rambura buvuga ko burindiriye umwanzuro w’ubutabera uzemeza nyir’uru rwuri bukabona kugira aho buhagarara muri iki kibazo, buvuga ku bufatanye n’inzego z’umutekano hagiye kuba hashatswe uko hahoshwa aya makimbirane yo guteranyiriza inka mu rwuri rutazihagije bisa n’agahimano, ibi kandi ngo bigakorwa bitarenze icyumweru nk’uko RUSINGIZA Esron umunyamabanga nshingwabikorwa w’uyu murenge yabitangarije TV/Radio1.

Amakuru dukesha polisi y’u Rwanda ikorera mu ntara y’uburengerazuba ni uko uyu Cyuma Barnabe uvuga ko ariwe waguze uru rwuri mbere, ndetse na Munyamasoko Desire ukekwaho kurugurisha kabiri bombi bamaze gutabwa muri yombi aho bakomeje gukorwaho iperereza ngo hamenyekane ukuri kuri iki kibazo.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 App

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!