Umutekano

Muhanga: Abitwaje intwaro gakondo bamaze gutera ahantu hatatu muri iki cyumweru bakomeretsa 4.

Sangiza inshuti iyi nkuru kuri:

Mu ijoro ryo ku wa Kabiri w’iki cyumweru ni bwo abantu bataramenyekana bari bitwaje intwaro Gakondo bateye mu duce dutandukanye tw’umurenge wa Shyogwe w’akarere ka Muhanga turimo n’akari hafi ya Kaburimbo bakomeretsa abantu bagera kuri bane.

Bwaba ubuyobozi bw’akarere ka Muhanga ndetse n’ubw’ingabo bwagiranye ibiganiro na bamwe mu batuye uyu murenge wa Shyogwe ntibwemera ko abakoze ibi ari abagizi nabi ku rwego aba baturage babikekaho ahubwo bavuga ko ari ibisambo kandi ngo nta cyo bakora mu gihe aba baturage baba bafatanyije n’inzego z’ umutekano.

Bamwe mu batuye muri uyu murenge basanga abakomerekeje aba bantu batari abajura kuko ngo nta kintu na kimwe babibye kandi bari babifitiye ubushobozi.
Aha ni ho bahera basabira abanyerondo kwemererwa kwitwaza intwaro gakondo nk’izo bamwe muri aba bise abagizi ba nabi baba bitwaje.

Mu ijoro ryakeye ku wa Kane n’iryakeye kuri uyu wa Gatanu na bwo tumwe mu duce two mu murenge wa Shyogwe turimo n’akatewe ku wa Kabiri twongeye guterwa.
Icyakora bwo abadutuye bavuga ko abaduteye bashobora kuba ari abajura bitewe n’uko hari ibyo bibye ndetse ngo hari bimwe mu bikoresho bafatanwe.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

#LegendsAlive VIP show

Do not miss an outmostanding event this Friday on 27/07/2018 at Camp Kigali !
KNC | Yvonne Chakachaka | Israel MBONYI | Bruce melody | Alyn Sano | Neptunez Band.

3 days to go !

please call: 073 308 44 64 for your ticket !