Imibereho y’abaturage

Kigali: Ngo abasaga 20 bamaze amezi 8 bafungiwe ahitwa kwa Kabuga i Gikondo

Sangiza inshuti iyi nkuru kuri:

Bamwe mu babyeyi n’abagore bafite abana n’abagabo bafungiwe mu kigo ngorora muco ahazwi nko kwa Kabuga I Gikondomu karere ka Kicukiro , bavuga ko abantu babo babayeho nabi, ndetse bakaba ngo banahamaze igihe cy’amezi asaga 8 ,mugihe ubusanzwe amabwiriza y’umujyi wa Kigali ateganya iminsi 72, .Abafunzwe muri ubwo buryo ni byo bashingiraho bavuga ko ari akarengane.

Abagore bafite abagabo bafungiwe ahitwa kwa Kabuga I Gikondo, barasaba ko abantu babo bashyikirizwa inkiko zibishinzwe zikababuranisha bagakatirwa bakava aho bo bita muri Gereza.
Ikindi ngo barishinganisha kuko bamwe mu bapolisi bakorera muri icyo kigo , ngo bababwiye ko batitonze bazabakurikiza abagabo babo.

Umuyobozi wungirije w’umujyi wa Kigali ushinzwe imibereho y’abaturage Muhongerwa Patricia, yavuze ko igihe ntarengwa umugororwa amara afungiwe aho ari iminsi 72, ariko ko ishobora no kurenga bitewe na dosiye umuntu aba afite.

Abajijwe ku bijyanye n’ubuzima bwabo dore ko aba bagore bavuga ko babayeho nabi, Madame Muhongerwa Patricia, yavuze ko bakaraba bakanarya nta kibazo, ngo bafite n’abaforomo bo kwita ku muntu ufite ikibazo cy’uburwayi, yaba ari indwara ikomeye bakajyanywa kuvurizwa ku bitaro bya Kibagabaga bityo akaba atemeranya n’abavuga ko babayeho nabi .

Ku bijyanye n’abavuga ko baza bakabura abantu babo rimwe na rimwe bagakeka ko bishwe, yavuze ko biba ku bantu baba barafunzwe bakabeshya imyirondoro, uje kumureba akaba yanyuranya n’iyo banditse mu gitabo bityo ugasanga ntabashije kuboneka kuko imyirondoro iba idahuye.

Iki kigo kirimo abantu bafashwe nk’inzererezi mu mujyi wa Kigali cyakira ababarirwa hagati y’1500 n’2000,gusa ngo hari n’igihe banagera mu 2200.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!