Imibereho y’abaturage

Gisagara: Ngo hari abararana imihoro baraririye inzoga zitemewe mu Rwanda

Sangiza inshuti iyi nkuru kuri:

Yanditswe na Camille NDIKUMANA.

Bamwe mu batuye akarere ka Gisagara,baravuga ko kuba ubuyobozi buhashya inzoga z’inkorano ariko zikanga zigakomeza gukorwa no gucuruzwa,ngo bigirwamo uruhare na bamwe mu bayobozi b’imidugudu,bahishira kandi bakanaburira abazikora ku bw’inyungu runaka.
Ubuyobozi bw’akarere buravugako butazahwema kuzirwanya,ngo kuko arizo ntandaro y’ibyaha binyuranye birimo urugomo,n’ubujura.
Izi nzoga z’itemewe zikunze kwitirirwa kuba zikoze mu bitoki,nyamara ngo zikoze mu bindi zikaze zica abaturage ,zizwi ku mazina atandukanye bitewe n’agace ,ariko aha muri gisagara zikunze kwitwa Nyirantare.By’umwihariko mu mirenge nka Kibirizi na Save ,aho TV na Radio 1 byatembereye ,abaturage bavugako n’ubwo ubuyobozi bushyira imbaraga u guhashya bene zi nzoga,ngo zitabura kuba zikigaragara,bitewe n’amayeri yo kuzenga no kuzihisha.Muri aya mayeri,bavugako hari uko ngo bazengera ku gasozi bakarara baziraririye n’imihoro
Kuba zihora zifatwa zimwe zikamennwa ,ariko zigakomeza kugaragara,kuri aba baturage ngo biterwa n’imikoranire y’abazenga ndetse na bamwe mu bayobozi b’imidugudu baba bakorana abenga izi nzoga bakajya bagira Frws babaha,bityo havugwa kuzakorwa umukwabu,bakababurira bakazihisha.Iyi ngo niyo mbogamizi ituma zitacika burundu nk’uko ubuyobozi na bamwe mu baturage baba bayifuza
N’ubwo abaturage bavuga ibi,umuyobozi w’akarere ka Gisagara Rutaburingoga Jerome,we avuga ko ku bw’inyungu nyinshi abenga izi nzoga zitemewe bavanamo,ariyo mpamvu ikomeza gukorwa rwihishwa,gusa ngo ubu buyobozi bwarazirwanyije kandi burakomeje ku kigereranyo cya 90 ku ijana ngo kuko bitanoroshye kuba wabona umusinzi muri Gisagara nk’uko byahoze mbere.
Ikorwa n’icuruzwa ry’izi nzoga zitemewe,baba abaturage n’ubuyobozi bavuga ko ari kimwe mu bitiza umurindi bimwe mu byaha bikunda kumvikana ,by’umwihariko ubujura ndetse n’urugomo.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 App

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!