Imibereho y’abaturage

Gasabo: Abirukanywe Tanzaniya barataka inzara.

Sangiza inshuti iyi nkuru kuri:

Abanyarwanda birukanywe muri Tanzaniya batujwe mu murenge wa Jabana mu karere ka Gasabo barataka ikibazo cy’inzara bavuga ko ibugarije dore ko ngo bamaze amezi 2 badahabwa ibyo kurya basanzwe bahabwaga buri kwezi.

Hashize imyaka itanu aba banyarwanda birukanywe muri Tanzaniya batujwe aha mu mudugudu wa Gitega mu kagari ka Bweramvura mu murenge wa Jabana y’akarere ka Gasabo.

Buri kwezi ngo bahabwa ibiro 10 by’akawunga na 6 by’ibishyimbo kuri buri muntu, mu rugo bikaba byinshi bitewe n’umubare w’abagize umuryango. Ibi rero ngo ni nabyo bakuramo isabune, amavuta, umunyu n’ibindi bakeneye birimo no kugura umuriro w’amashanyarazi. Kuri ubu ariko amezi abaye 2, ibi byo kurya bishingiyeho ubuzima bwabo bwa buri munsi batabihabwa, ibi bikaba byaragize ingaruka zitandukanye ku buzima bwabo.

Icyifuzo cy’aba baturage kirenze guhabwa ibyo kurya, kuko bongeraho ko bifuza gufashwa kwifasha aho guhora bateze leta amaboko.

Ubuyobozi bw’akarere ka Gasabo bufite aba baturage mu nshingano buvuga ko impamvu batarahabwa ibyo kurya ari uko mu ntangiriro z’ingengo y’imari hakunze kubaho ikibazo cyo gutinda kw’amafaranga ariko ngo bagiye gusaba rwiyemezamirimo usanzwe abagemurira ibyo kurya kubagaburira akazishyurwa ari uko amafaranga yabonetse nkuko Stephen RWAMURANGWA uyobora akarere ka Gasabo yabitangarije TV1 na Radio1.

Ku birebana no kuba akarere kabafasha kwifasha byo, uyu muyobozi avuga ko bitarenze uyu mwaka w’ingengo y’imari bazaba bahawe umushinga wo korora inkoko mu buryo bwa kijyambere, ibi bikazabafasha kwibeshaho.

Aba baturage bamaze amezi 2 badahabwa ibyo kurya baragera ku 193 muri rusange kandi abenshi muri bo biganjemo abana n’abageze mu zabukuru.

Ikibazo cy’imibereho y’abanyarwanda birukanywe muri Tanzaniya si umwihariko w’akarere ka Gasabo kuko ahenshi mu ho bagiye batuzwa hakunze kumvikana ikibazo nk’iki bitewe nuko byagarukiraga gusa ku guhabwa inzu zo gutuzwamo ubundi bagategereza ibyo kurya bya buri kwezi, igitekerezo mu byukuri kidatanga igisubizo kirambye ku mibereho yabo.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!