Politiki

Gambiya: Indege 5 za Yahya Jammeh zigiye gutezwa cyamunara.

Sangiza inshuti iyi nkuru kuri:

Guverinoma ya Gambiya yatangaje ko igiye guteza cyamunara imitungo ihenze ya Yahya Jammeh wahoze ari Perezida wa Gambia wavuye ku butegetsi ku ngufu mu mwaka wa 2016 ubwo yatsindwaga amatora y’umukuru w’igihugu akinangira kurekura ubutegetsi.

Ibiro ntaramakuru by’abafaransa AFP byatangaje ko mu mwaka w’2016 ubwo Yahya Jammeh yotswaga igitutu ngo ave ku butegetsi nyuma yo gutsindwa amatora y’umukuru w’igihugu,yahise ahungishwa asiga indege ze eshanu n’imidoka 30 zihenze (zo mu bwoko bwa Rolls-Royces na Bentleys) ndetse n’amasambu ane manini.

Umwaka ushize wa 2017,Guverinoma ya Gambiya yatangaje ko imitungo ya Jammeh nitezwa cyamunara, izavamo miliyoni nyinshi z’amadolari ya Amerika azifashishwa mu kuzahura urwego rw’uburezi n’ubuzima mu gihugu.

Umunyamabanga uhoraho muri Minisiteri y’imari Lamin Camara yabwiye AFP ko bagiye gukora urubuga rwa interineti bazashyiraho amafoto y’iyo mitungo n’agaciro kayo ku buryo umuntu wese ushaka kugura muri cyamunara bizamworohera,gusa ntiyatangaje itariki ibyo bizatangirira gukorwa.

Mu ntangiriro z’umwaka ushize wa 2017,igihugu cya Guinee Equatorial cyemeje ko cyakiriye Yahya Jammeh wagihungiyemo aho kuri ubu asigaye yarashoye imari mu bikorwa by’ubuhinzi.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 APP

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!