Imibereho y’abaturage

Burera: Barashinja ivuriro kudaha agaciro abivuriza kuri mitiweli, rikita Gusa ku biyishyurira

Sangiza inshuti iyi nkuru kuri:

Ivuriro rya Kamanyana rikorera mu kagari ka Kamanyana mu murenge wa Cyanika ho mu karere ka Burera, uretse kuba abaturage barinenga ko ryashyizwe ku ruhande bituma hari bamwe mu batuye aka kagari bigora kurigeraho, banarishinja kutakira neza abarigana aho ngo abivuza bakoresheje ubwisungane mu kwivuza badahabwa agaciro ahubwo hakitabwa ku baje kwivuza bari bwiyishyurire.
Kuba aka kagari kari mu twa nyuma mu kwitabira gutanga umusanzu w’ubwisungane mu kwivuza (Mutuel de santé), bamwe mu bagatuye batabiciye ku ruhande babwiye TV/Radio1 ko impamvu nyamukuru ari uko n’ubundi babona ko ubwisungane mu kwivuza nta gaciro bugifite kuri bo kuko n’ubundi ushaka ubuvuzi bwihuta ahitamo kwiyishyurira.
Ubuyobozi bw’iri vuriro rya Kamanyana buvuga ko ibivubwa n’aba baturage atari ukuri, ngo kuko nta robanura na rito bagira mu kwakira ababagana, umwihariko ushobora kubaho ngo ukaba ari uwaterwa n’umurwayi waba arembye ariko ntaho byaba bihuriye n’uko ari bwiyishyurire, nk’uko Solange Mukabatsinda uriyobora yabibwiye TV/Radio1.
Si ubwa mbere ariko aba baturage bazamura ijwi rikemanga serivisi mbi zitangwa n’iri vuriro kuko n’umunyamabnga nshingwabikorwa w’umurenge wa Cyanika iri vuriro rikoremo nawe yabwiye TV/Radio1 ko byamugezeho gusa ngo yabikurikirana agasanga atari ukuri.

Ibitekerezo: 0

pre-moderation

Icyitonderwa, igitekerezo cyawe kiragaragara ku rubuga nyuma yo gusuzumwa n'abakozi ba TV1.

Uri nde?
Igitekerezo cyawe

Andika hano

TV1 App

Kurikira TV1 kuri Telephone yawe igendanwa:

- Usome Amakuru ashyushye kandi agezweho
- Wumve Radio 1 LIVE
- Urebe TV1 LIVE
- Utwoherereze Inkuru
- Urebe ibihumbi nibihumbi bya Video kuri VoD

downloadinga APP ya TV1 NONAHA!